الشاعرة .. أمل صلاح

لابس دايما توب العفة
واللي يشوفه يقول دا شريف

وبين الناس تلاقيه من الصفوة
ويتباهى. دايما .أنه .نضيف

مادد ايده بياخد الرشوة
بوقاحة ما هو واد حريف

زي المنشار طالع واكل
وهو نازل برده لازم ياكل

جبار وبيرازي في كل الناس
ولا عنده لا ذمة ولا إحساس

بس الرصيد في البنك كبير
  ويلبس بشياكة تقول دا وزير
               
  وبيسرق في  حقوق  الغير
  وعامل  نفسه ...اسم الله أمير

يا سلام لما تجيله الفرصة
يقعد يخطب بالساعتين
ع اللي بيسرق واللي بينهب
وعن أخرتهم يوم الدين
وأنه لازم نلتزم العفة

ونكون رحمة للعالمين

المشكلة انه بيصدق

إنه الصادق وإنه أمين

وان الجنة جزاؤه  أكيد

هيكون فيها من الخالدين
★************★*******
قلم # أمل صلاح