الشاعر ،، علي سيف المغلس
(يتقاسمون الفساد)
هم قسموها نقط بالجيوب ترابح
فكر بباكر ولاتبكي على المقابح
واوبه اذا تضاربوا الربحه بالمرابح
اوبه على زرعك اذا اردت تكون شامخ
مسلحين يتقافزوا فوق الفقير والفقير ضابح
((وكم ورم قلبه من الفضائح))
((وكم شسامح اذا اراد ياسامح))
يتقاسموا الاسواق والمرازح
والجوع وحيد ياناس بقريتي يشارح
وكم شصارح لو اراد يصارح
وكم يناطح بفقره المناطح
هدم البنا ياتي من بالمقارح
كالثور يبرك من الجدار يناطح
وضرع البقر من اللبن قافح
فاض الفساد وراسخ والمجاري بالسرق طافح
سارق مسلح يفتش شوف مسبه فاتح
وهدرته من النخر بالشرار نافخ
ونا الفقير بالجوع ازرع البراصح
حكم السلاح ارسا فساد واضح
هذا طقوم عمه وذاك مدرعات راجح
من شرقها لاغربها بالقريح كاسح
كاشح ورا كاشح يتقاتلوا على المقاوت
جم من رضيع يقتل بمرقده بقارح
طيب وكم يكون جهد الشريف يكافح
فقتل النفس اصبح سهل لا تمازح
لا دين ولا اخلاق تعلوا على المصالح
لكن حكم الله بالكتاب واضح
ياذى الشريف(( شق الطريق وضهر الملامح))
((حتى تعانق صبحنا تصافح ))
((وينتهي الارهاب والمذابح))
علي سيف المغلس
الابيات التي بين قوسين
للشاعر الكبير الدكتور سلطلن الصريمي
راقت لي
تعليقات
إرسال تعليق