الشاعر . ناصر طاهر أحمد

الزجل الساخر / شيخ الحارة
من كلمات /ناصر طاهر أحمد
التاريخ / 19/4/2017
                    ★★★★★★★★
جارتنا ست
قصيرة
وعينيها واسعة
مدورة
قالوا عينيها بقوة
صقر
بس أنا قلت حسودة
وفقر
شوفت عينيها ياناس
سنارة
كنت فاكرها انا شيخ
الحارة
مرة ف يوم جنبها
عديت
بس ندمت وقلت
ياريت
كنت انا شايل طبق
البيض
فجأة لبست ياناس فى
الحيط
كنت فى يومها ياناس
محتاس
بس عرفت عينيها
أساس
قلت أنا أعمل حيلة
وافكر
يومها دخلت البيت
متنكر
اصل الفكر ده كان
متأخر
حاجة فظيعة وعايزه
أذاعة
بدله وخارجة من
الشماعة
أبقى معاها انا فى
البلاعة
نفسى أشوف الكل فى
حاله
لهى دايمه لك ولا دايمه
له
سيبو الخلق ياناس
للخالق
ربنا هو العاطى
الرازق
زود قلل بص
لمالك
قال يامعدل عدل
حالك